» Главная » Творческая мастерская » Начальные классы

Қадырова Н.Қ.,
Жамбыл ауданы Преснов № 2 ОМ бастауыш сынып мұғалімі

Қазақ тілі – 4 сынып

Сабақтың тақырыбы: Шылау сөздер және шылау тұлғалас қосымшалар.

Сабақтың мақсаттары:

Білімділік: оқушылар шылау және шылау тұлғалас қосымшалар туралы алған білімдерін анықтайды және пысықтайды; каллиграфиялық дағдыларын жетілдіреді,шағала туралы қосымша мәлімет алу арқылы сабаққа деген қызығушылығын артады;

Дамытушылық: озық технологиялардың әдістерін, жабдықтарын қолдана отырып, оқушының ой-өрісін,дүниетанымын, көру, шығармашылық қабілеттерін, сөздік қорын, тілін дамыту;

Тәрбиелік: оқушы дүниетанымын дамыта отырып, табиғатты сүюге, жан-жануарды қорғауға тәрбиеленеді, өзара достыққа, ұқыптылыққа, жауапкершілікке баулиды.

Сабақтың түрі: аралас

Сабақтың типі: қайталау, пысықтау

Пәнаралық байланыс: дүниетану, ана тілі

Сабақтың көрнекілігі: шағала туралы қосымша материал

Сабақтың жабдығы: интерактивті тақта, компьютер

Сабақтың әдістері: сұрақ-жауап, талдау, жинақтау, СТО жобасының стратегиялары (Венн диаграммасы, ББҮ, эссе, ассоцияция), ребус

Сабақтың барысы:

І. Қызығушылығын ояту

Ребус шешу.

Шешулері: мен, туралы, үшін, қой-шылаулары.

ІІ. Мағынаны ажырату

— Ребустың шешулеріне қарап,бүгінгі сабақ немен байланысты екенін айта аламыз ба?

— Бүгінгі сабақта шылау тақырыбы бойынша білімдерің анықталады.

Көп нүктелердің орнына тиісті сөзді және қосымшаны қойып, мақалдарды оқыңдар, мағынасын ашыңдар.

1. Күш — білім…
2. Біліп тұрсаң… сұрап ал.

— Енді шылау сөз бен қосымшаны салыстырыңдар.

— Шылау туралы не білеміз?

— Қандай шылау сөздер мен шылау тұлғалас қосымшаларды білесіңдер?

Жауаптарын флипчарттағы кестемен салыстыру

— Енді осы шылау сөздер мен жалғауларды және тақтадағы суреттерді қатыстырып, 5 сөйлем құрастырамыз.

Интерактивті тақтамен және дәптермен жұмыс.

(Жұмысты қортындылау)

Сергіту сәті.

— Ал, енді кішкене демалып, бой сергітейік.

— Қазір жылдың қай мезгілі?

— Басқа жыл мезгілдеріне қарағанда, оның қандай ерекшеліктері бар?

— Құстар қайтып келеді дедіңдер, ендеше өздерің қандай құстарды танисыңдар?

— Құстарды дауыстарынан ажыратып көріңдер. (Дауыстарын естіледі).

— Кез келген құс емес, жалғыз ұшпайтын құс туралы болады.

— Неге бұл құс жалғыз ұшпайды деп ойлайсыңдар? (Оқушылардың ойлары).

— Ал, енді мәтіннен қай құс екенін анықтайық.

ББҮ кестесін толтырайық.

Шағалалардың шоғырланып ұшып жүрген суретін көрсету.

Тақырып бойынша оқушылардың ойын тыңдау.

— Достық, бірлік туралы қандай мақал-мәтел білесіңдер?

— Достық, татулық не үшін қажет?

— Сондықтан да, балалар, бір-біріңмен дос, тату болыңдар. Сонда ғана жетістіктерге жетіп, басқаларға сыйлы боласыңдар.

Шағала туралы қосымша материалмен танысу.(Қосымша № 1)

— Шағалалардың түрлеріне қарай бірнеше суреттерді ұсынып отырмын.Мұқият қарап шағала туралы білетіндеріңді еске түсіріңдер.

Шағаланың суретін көрсету.

ІІІ. Ой толғаныс

Шылауларды қатыстырып,шағала туралы эссе жазыңдар.

Интерактивтік тақтада шылаулар кестесі бар.(Қосымша № 2)

Бағалау.

Үйге тапсырма беру.

— Үйде шылау және шылау тұлғалас сөздерді қайталау және оларды қатыстырып, бүгінгі сабақ жайлы бірнеше сөйлем құрастырыңдар.